Die uwe

My naam is Wilco Labuschagne.

My doel met hierdie woernaal is om oor onderwerpe te gesels wat nie, sover ek weet, elders te vinde is nie. Ek wil praat oor my mense en dit wat ons raak. Ek wil opbouend en interessant wees. Daar moet elke keer iets nuuts wees. Al stel jy nie spesifiek belang in ‘n onderwerp nie, hoop ek jy sal dit tog lees en geniet.

Ideologie en politiek is nie my belangstelling nie. Ek stel ook nie belang in organisasies nie. Indien ek krities oor my eie mense wil wees, sal dit met lojaliteit wees.

Oor die afgelope 35 jaar het ek die geleentheid gehad om my in ‘n aantal onderwerpe te verdiep. Eerstens die Bybel. (Daarmee saam ook teologie). Dan was daar Volkskunde (d.w.s. die eienskappe van ons eie volk). Ek het ook genealogiese navorsing gedoen. Ons sien ook hoe die wêreld uitmekaarval.

Dit wat ek hier skryf kan die beste beskryf word as getuienis. Getuienis is nie boekekennis nie.

Dankie dat jy hier is.

 

 

 

Save

Save

Save