Die nuwe normaal is abnormaal

https://kids-in-mind.com/v/venom-parents-guide-movie-review-rating.htm

Een gevolg van ouer word, is dat jy meer dinge het om met mekaar te vergelyk. Jy kan dinge van vroeër vergelyk met dinge van vandag. Nee, ek praat nie van “die goeie ou dae” nie. Ek praat ook nie van al die nuwe tegnologie van vandag nie. Ek praat van hoe mense hulle vandag gedra teenoor wat voorheen as goeie gedrag beskou is.

Neem  as voorbeeld die Profumo affair in Engeland. Die minister van verdediging is betrap in ʼn onbehoorlike seksuele verhouding en dit het selfs die Eerste Minister se kop laat rol. Die affair se gevolge was nie omdat dit ʼn sosiale skandaal was of omdat die publiek dit afgekeur het nie. Die ophef was eerste in die media en het daarvandaan na die publiek versprei. Profumo het ʼn verantwoordelike pos beklee wat direk Brittanje se veiligheid in gedrang gebring het. My vraag is: indien so-iets vandag sou gebeur, sal dit dieselfde gevolge hê? Of meet ons leiers vandag met ander maatstawwe?

Indien die president van ʼn land gereeld leuens vertel, sal hy sy pos verloor of sal geen haan daarna kraai nie? Kan dit verskoon word deur te sê dit is politieke retoriek en normaal? Redelik onlangs was daar ʼn video van ʼn Amerikaanse minister van buitelandse sake en ander hooggeplaastes wat hulle verlustig het in beeldmateriaal van die grusame verkragting en moord op ʼn buitelandse leier. Hierdie klaarblyklike sadisme by leiers het min aandag gekry. Net die opposisie het daarvan gepraat, die hoofstroommedia het dit verswyg. Die publiek is grootliks onbewus van die kaliber mense wat vandag hulle leiers is.

Jonger mense weet nie van die kommunisme wat in die Soviet Unie en Oos-Europa toegepas is nie. Dit was nie met instemming van die meerderheid mense ingestel nie, dit was op hulle afgedwing. Daar was geheime polisie wat op die publiek gespioeneer het. Die Bybel was ʼn verbode boek wat gekonfiskeer en verbrand is. Bybels moes ingesmokkel word. Net kerke wat deur die staat goedgekeur is, was wettiglik oop. Baie Christene het in die geheim bymekaarkom. Hardnekkige Christene is na tronke, arbeidskolonies of  psigiatriese hospitale gestuur. Dit word vertel hoedat iemand wat ʼn yskas nodig gehad het, eers toestemming moes kry om een te bestel. Dan moes die persoon twee jaar wag voor sy nuwe yskas afgelewer kon word. Hierdie dinge word nie meer vertel nie. Vandag is daar mense wat weer so ʼn stelsel wil afdwing.

Ons sien ook die afgelope ruk foto’s en video’s van witmense wat swartmense se voete was en voor hulle kniel. Blykbaar vra hulle die swartmense se vergifnis vir hulle “White Privilege”. Rassisme is die beweerde misdaad wat alle witmense pleeg. Die optogte, die onvermoë om te debatteer, die doodskree van opponente en ander absurde gedrag en kleredrag laat mens vra: wat is fout met die mense? Nogtans is daar ʼn groot aantal mense wat hulle so gedra en die media sorg dat ons daarvan weet. Dit is veronderstel om goed en aanvaarbaar te wees. Die hele spektakel is irrasioneel.

Dit is nie al wat irrasioneel is nie. Tans het ons die Covid-19 pandemie. Dit word ernstiger en gevaarliker voorgestel as wat dit werklik is. Iemand het onlangs ʼn berekening geplaas wat aandui dat die aantal sterftes wêreldwyd 0.003% van die bevolking is. Dit is nie eers 0.01% nie (nie eers 1 uit 10,000 nie). Dit is statisties ʼn onbeduidende getal sterftes. Nogtans het die regering dit goedgevind om hulle eie land se ekonomie te verwoes ter wille van iets wat onbeduidend is. Alles hieromtrent is irrasioneel en het, sover ek weet, nog nooit voorheen gebeur nie.

Wat het die mensdom ingevaar? Dit wat C.S. Lewis genoem het “The Law of Human Nature” word nou omvergewerp en mense pas nie meer oeroue menslike gedrag toe nie. Waardes wat die mensdom vir duisende jare gehandhaaf het, word nou verwerp. Hoe maak mens sin hiervan? Is daar ʼn soort geestesongesteldheid wat die mensdom oorval het? ʼn Siekte wat psigiatries behandel moet word?

As ek so kyk na foto’s en video’s van hoe mense hulle deesdae gedra, laat dit my dink aan flieks waar ʼn slymerige en grusame alien in ʼn mens se liggaam ingevaar het. Of iemand wat ʼn zombie word, of so iets. Waar ʼn normale mens dan ʼn monster word. Fantasie wat waar word.

Wat beskou jy as ʼn alien? As jy die Bybel lees, mag jy dalk demone as aliens beskou. Hulle is nie van die aarde nie, is nie mense nie, is nie liggaamlik nie. Is daar vandag ʼn buitengewone toename in demoniese besetenheid? Dit sal heelwat van die vreemde gedrag wat ons waarneem, verklaar.

Daar word deesdae gepraat van die “nuwe normaal”. Die “nuwe normaal” is nie soos die vorige “normaal” nie. Dit is irrasioneel, dit is gekheid, dit is abnormaal.

SPESIALE AANBOD: GRATIS E-BOEKE

Aan die regterkant hiervan is  besonderhede oor my e-boeke. Indien u belangstel om een of meer daarvan te lees, kan u ‘n e-pos stuur aan buitepos@minderheidsverslag.co.za en ek stuur vir u ‘n gratis boek. Spesifiseer asseblief net of u dit in PDF of EPUB formaat wil hê.

Facebooktwitterpinterestlinkedinyoutube
Facebooktwitterpinterestlinkedin

Sonder lojaliteit is jy niks

https://www.slideshare.net/ernestipotgieter/6-april-2014-jou-lojaliteit-verklap-jou-prioriteit

Veronderstel ʼn getroude man wat nie ander (gewillige) vrouens kan uitlos nie. Ooglopend pleeg hy owerspel. Tog is daar ʼn dieperliggende probleem: hy is dislojaal aan sy vrou en gesin.

Iemand kan op ander gebiede ook dislojaal wees. Aan sy werkgewer, aan sy land, aan ʼn saak, ensomeer. Dislojaliteit is troubreuk, hy verbreek die vertroue wat in hom gestel word. Die vertroue wat in hom gestel word kan wees op grond van ʼn onderneming wat hy gegee het, dit kan wees dat hy ʼn belofte gemaak het, dit kan ook wees dat dit ongeskrewe gedrag is wat van almal verwag word.

Tydens die Anglo-Boereoorlog het sommige burgers van die Boererepublieke dit goedgevind om Hensoppers en Joiners te word. Hulle was ontrou aan hulle land en volk. Daar kan geen verskoning vir hulle wees nie. Ideologiese verskille of ontevredenheid met die regering is nie aanvaarbaar om jou eie land in ʼn oorlog te verraai nie. Soos ek verstaan het meeste van hulle dit vir eie gewin gedoen, hulle is deur die Britse magte beloon. Ander het dit uit afguns teen hulle meer suksesvolle volksgenote gedoen. Hulle het onheil oor hulle volksgenote, familie en bure gebring vir eie bevrediging.

Vandag het ons ook allerlei lede van ons volk wat vyandig teen hulle eie mense is. Hulle mag beweer dat hulle nie teen die volk is nie, maar dat hulle ʼn politieke siening het wat van ander verskil, dat hulle teen verkeerde dinge by die volk is, dat hulle slegs geregtigheid nastreef. Dit is net hulle wat dit so sien.

NP van Wyk het gepraat van “lojale verset”. Meeste kommentaar daarop handel oor die noodsaak tot verset. Min kommentaar handel oor die noodsaak tot lojaliteit.

Verset teen jou eie volk se owerheid of elite mag nodig wees, maar dan is dit ʼn interne saak tussen jou en hulle. Jy verset jou teen hulle, maar nie teen jou volk nie. Jy gee om vir jou eie mense al is hulle in jou oë verkeerd. ʼn Tiener wat teen sy ouderwetse ouers rebelleer, moet nog steeds sy ouers beskerm teen gevare en bedreigings. As hy hulle lief het.

Lojaliteit beteken dat jy nie vyandig teenoor jou eie mense sal wees nie, jy sal hulle nie kwaad aandoen nie, jy sal by hulle staan in nood, jy sal hulle verdedig teen buitestaanders. Om dit nie te doen nie, beteken jy kan nie vertrou word nie. Jy is ʼn persoon van swak karakter.

Lojaliteit is ʼn waarde, dit is iets innerlik, dit sê wat se soort mens jy is.

SPESIALE AANBIEDING:

My boeke verskyn aan die regterkant as bladsye. Dit kan gratis bekom word deur ‘n epos te stuur aan: buitepos@minderheidsverslag.co.za. Noem of u dit in PDF of EPUB formaat wil hê.

Facebooktwitterpinterestlinkedinyoutube
Facebooktwitterpinterestlinkedin

Die Storie van ons volk: ʼn leser se kommentaar

Ek het die onderstaande kommentaar op my boek “Die Storie van ons Volk” ontvang.

Baie dankie vir “Die Storie van ons Volk”. Ek het dit baie geniet en baie insiggewend gevind. Ek kan sien dat dit ook baie navorsing behels het om al die feite reg te kry. Ek wens regtig jy kan dit gepubliseer  kry om ook balans aan die geskiedenis te gee. Daar is soveel linkse en wêreldse sieninge oral beskikbaar dat dit moeilik is vir enigeen om ‘n gebalanseerde mening oor ons geskiedenis te kan verkry.

Die boek is duidelik uit ‘n godsdienstige en regse oogpunt geskryf. Iemand soos ek (wat sedert 1969 regs was), kan maklik met die boek identifiseer. Ek het na die “Nee”‘ stem van 1992 uit die politiek uit onttrek omdat ek blanke politiek as irrelevant beskou. Selfs vandag vind ek dit vreemd dat goeie vriende my skeef aankyk as ek sê dat ek HNP was. Dit is asof hulle nie kan glo dat iemand wat ‘n bietjie verstand het, polities so kon dink nie. Dit is ook steeds duidelik dat die destydse “elite” wel daarin geslaag het om  die ware siening van “regse” mense verdag te maak en die Nasionale Party se propaganda heelhuids te kon insluk sonder om dit te bevraagteken. Vandag is almal egter bewus van die gevolge van hulle keuses van destyds.

Polities  is hierdie boek nie maklik vir Jan Alleman  aanvaarbaar nie. Pasop vir kafferboom (bl37) wat tans taboe is. 

Verder is ek nie seker dat ek met die oplossing van die boek saamstem nie. Dit sal verseker ‘n ideale oplossing wees, maar ek dink dit is baie moeilik haalbaar. Die kleurlinge het ‘n rukkie gelede dieselfde pad gestap en het niks bereik nie. Dit is staatkundig korrek, maar om in die praktyk te bewerkstellig, baie moeilik (vergelyk bv. die Baske in Spanje wat al jare lank veg). Ons beskik nie naasteby oor ‘n sterk leier om die voortou te neem nie. (Terloops, in ons volksgeskiedenis het Shepstone die ZAR met 25 polisiemanne ingeneem en 3 jaar later is Brittanje by Majuba verslaan en is onafhanklikheid weer verkry)

Vir my lyk dit of AfriForum en Solidariteit tans ‘n werkbare oplossing het wat redelike wye steun geniet. Al hulle optrede is nie alles reg nie, maar hulle het al baie suksesse behaal in hulle stryd om vir spesifiek die Afrikaner in die bresse te tree. Ek dink hulle kan daarin slaag om groot steun uit Afrikaner geledere te verkry.

Tans kry ek die gevoel dat ons as Afrikaners in ‘n “bubble” leef’. Suid Afrika is duidelik nou onder ANC bewind ‘n Derde Wêreld land. Tog lewe ons in ‘n Eerste Wêreld land as ek na myself en bv. my seuns kyk. In Pretoria is my kleinkinders in top skole wat steeds puik onderrig gee en hoë geestelike en morele waardes toepas en handhaaf. Dit skep ‘n kunsmatige atmosfeer wat ek nie weet of dit volhoubaar is nie.

Ek het baie van jou boek gehou en dit verteenwoordig beslis my siening. Ek het probeer om kritiek te lewer en vir jou terugvoer te gee. 

Ek sal graag jou ander boek van die Dagboek van Luit van Vuuren ook wil lees. Laat weet vir my hoe ek dit onder oë kan kry.

Groete. 

Belangstellendes kan die boek gratis bekom deur dit aan te vra by: buitepos@minderheidsverslag.co.za. Spesifiseer of die pdf of epub weergawe verkies word.

Facebooktwitterpinterestlinkedinyoutube
Facebooktwitterpinterestlinkedin

Bloedrivier: wat meeste mense nie weet nie

Kapt Garden was ‘n ooggetuie

Met die afgelope herdenking van die Gelofte van Bloedrivier, het dit my weereens ontstel dat die verkeerde Gelofte voorgelees is. Verder was daar ook heelwat verkeerde inligting gegee oor die gebeure daar. Bloedrivier was ʼn keerpunt in die geskiedenis van Suidelike Afrika en het ondermeer ook die deur oopgemaak vir die verkondiging van die Evangelie, maar daaroor is ook niks gesê nie.

Die presiese bewoording van die Gelofte is ʼn uiters belangrike saak. Met die Gelofte is daar ʼn onderneming aan God gemaak. Die nakoming daarvan berus op die korrekte woorde sonder byvoegings en weglatings. Indien die Gelofte as ʼn verbond (kontrak) gesien word, kan sulke veranderinge as kontrakbreuk geag word.

Daar bestaan verskeie weergawes van die Gelofte: Die WEG Louw weergawe van 1962, die GBA Gerdener weergawe van 1919, die HJ Hofstede weergawe van 1876, die SA Cilliers weergawe van 1870/1871, die AWJ Pretorius weergawe van 22 Desember 1838 en die JG Bantjes weergawe van 9 Desember 1838.

Die bewoording wat hedendaags gebruik word, het ontstaan by GBA Gerdener wat in 1919 ʼn weergawe van die Gelofte opgestel het uit onbetroubare bronne. Hy was verder ook onder die indruk dat Sarel Cilliers die “vader van die Gelofte” was. Hierdie weergawe het mettertyd bekend geword as die Tradisionele Gelofte. Dit is in 1962 deur WEG Louw in Afrikaans vertaal en is wyd en syd versprei deur kultuurorganisasies as die ware Gelofte. ʼn Ondersoek om was te stel watter weergawe van die Gelofte korrek is, kan gevind word by:   https://docplayer.nl/67905556-Die-outentieke-weergawe-van-die-bloedrivier-gelofte-1838.html

Die enigste outentieke weergawes is AWJ Pretorius se verslag aan die Volksraad en JG Bantjes se Joernaal wat hy in sy ampshoedanigheid gehou het. Die gedagte aan ʼn Gelofte het ontstaan by Hoofkommandant AWJ Pretorius. Pretorius het sy gedagte met sy offisiere gedeel en daar was algemene instemming daartoe. Jan Bantjes was die Klerk van die Volksraad, gesekondeer om Hoofkommandant AWJ Pretorius se sekretaris te wees by die Wenkommando, was self teenwoordig by die gesprekke oor ʼn Gelofte en was ʼn manskap tydens die Slag van Bloedrivier. Sy joernaal is ʼn ooggetuieverslag. Die verslag van die Hoofkommandant aan die Volksraad stem ooreen met Bantjes se joernaal.

Hoofkommandant Pretorius se verslag is op 15 Februarie 1839 gepubliseer in De Zuid-Afrikaan, ‘n koerant in Grahamstad. Jan Bantjes se Joernaal is op 14 Junie 1839 in De Zuid-Afrikaan gepubliseer. Met hierdie publikasies is die ganse Blanke gemeenskap in Suidelike Afrika ingelig oor die Gelofte en die gebeure by Bloedrivier. (Daarmee is dan voldoen aan die onderneming: dat wy de dag der overwinning, in ‘n boek zullen aantekenen)

Die Journal der Ekspeditie van de uitgewekene Boeren, onder hunnen Hoofd-Kommandant ANDREAS WILHELMUS JACOBUS PRETORIUS, (voormaals van Graaff-Reinet), tegen DINGAAN, Koning der Zulus, in de maand(en) November en December 1838, opgestel deur Jan Gerritze Bantjes, kan gelees word by: https://www.bloedrivier.org/gelofte/index.php/geskiedenis/geskiedkundige-dokumente/jan-bantjes-joernaal

Dit is nie nodig om te spekuleer oor wie binne die laer by Bloedrivier was nie. Daar bestaan ʼn lys van die meeste van die kommandolede en die lys kan gevind word by: https://af.wikipedia.org/wiki/Lys_van_deelnemers_aan_die_Slag_van_Bloedrivier en by https://www.bloedrivier.org/gelofte/index.php/geskiedenis/wie-was-daar

Die Volksraad se amptelike verslag meld dat daar, benewens die kommandante, 464 blanke persone en 6 kleurlinge in die kommando was. Die lys van persone bevat tans die name van 351 van hulle. Die lys dui die name van die offisiere en onderoffisiere aan. Bloedrivier was beman deur die Wenkommando en daar was nie vrouens en kinders teenwoordig nie. Slegs persone wat geskik was vir kommandodiens was ingesluit.

Eerwaarde Erasmus Smit het diens gedoen as die Voortrekkers in Natal se predikant en het ondermeer sakramente bedien en huwelike bevestig. Hy was nie deel van die Wenkommando nie. Die kommando het drie kapelane gehad: Sarel Cilliers, Veldkornet Jan du Plessis en Pieter Joubert. Die Hoofkommandant was deel van Celliers se kapelaanskap.

Daar was ʼn hele paar Engelssprekendes teenwoordig. (Hierdie Engelssprekendes was ook Protestante.) Een was die Voortrekker William Cowie wat ook een van die veldkornette was. Dit is nie bekend of Thomas Biddulph ‘n Voortrekker was nie. Die ander Engelssprekendes was Alexander Biggar, Edward Parker, Robert Joyce, Kaptein Garden, en James Leech. Hulle was handelaars by Port Natal en het vrywillig by die Wenkommando aangesluit. Almal van hulle het vrywillig die Gelofte afgelê. Dit was nie net die Voortrekkers se voortbestaan wat deur Dingaan bedreig is nie, al die blankes in Natal was in gevaar. So ook die Kleurlinge en Zoeloes wat van Dingaan af weggevlug het.

Ons hoor wel by Gelofteherdenkings dat die oorwinning by Bloedrivier ʼn wonderwerk (ʼn direkte ingryping  deur God) was. Ons hoor nie van die volle omvang van wat daarna gevolg het nie. Die massamoordenaars Shaka en Moselikatse het baie Bantoestamme geheel en al uitgewis en die binneland sonder inwoners gelaat. Die oorwinnings by Vegkop en Bloedrivier het die oorblywende Bantoestamme se voortbestaan verseker.

Ten spyte van die toegewyde werk van Britse en Amerikaanse sendelinge, was daar geen Christene onder die Zoeloes nie. Sendingwerk het teen ʼn muur van bygeloof en vrees vir toordokters vasgeloop. Bloedrivier het hierdie muur afgebreek. Hierna het Afrikaanssprekende sendelinge ʼn sendingstasie by Dingaanstad (binne sig van die plek waar Piet Retief en sy manne vermoor is) opgerig met ondermeer ʼn kerk, ʼn skool vir blindes en ʼn opleidingskollege vir evangeliste. Bloedrivier het gelei tot die geestelike bevryding van die Zoeloevolk. Die oorlog was groter en belangriker as wat meeste van ons besef. Daar kan meer hieroor gelees word by: https://www.reformationsa.org/index.php/history/71-daycovenant

Op 5 Desember het Hoofkommandant Pretorius die volgende bevele uitgereik oor hoe kommandolede hulle moet gedra: Hy riep toen naby hem, alle de onderhorige offisieren, naar rang; de assistent Kommandanten, de veldkornets, tot korporaals toe; vermaande hen desnodig tot manmoedigheid en voorzigtigheid; herinnerde hen, “hoe ‘n zaak zonder God begonnen, verydeld wordt; hoe ‘n ieder zich behoorde te gedragen, in het slaan tegen de vyand; dat wy, als redelike schepsels onder het licht van ‘t Evangelie geboren, hen niet gelyk moeten zyn, in het vernielen van onnozele vrouwen en zuigelingen; en dat wy van God begeren mogen, hetgeen met Zyne gestrenge regtvaardigheid niet strydig is. Hy vermaande hen verder, hunne onderhorigen op te wekken, om ‘s avonds en ‘s morgens hunne diensten en verrigtingen aan God op te dragen in gebeden; dat zy de H. Sabbath, ter ere van God zouden besteden, en nalaten die groten naam ydelik te gebruiken, en de Allerhoogste te lasteren. Hy zeide verder, hoe verblyd hy was te mogen ondervinden, dat de rust en de redelikheid in broederliefde nog heerste, onder zo vele duizende zielen, als in éen huis tezamen wonende, en dit boven zyne verwachting; dat hy nogtans een ieder vermanen moest, om nu de handen ineen te slaan, om álles uit de weg te ruimen, dat onénigheid werkt, opdat wy, als een lichaam, met Gods hulp, ons voorgenomen werk mogten uitvoeren, – en herinnerde hen eindelik met herhaaldelik Eendracht maakt magt”. Onder al verbood hy scherpelik, dat niemand zich zal mogen bemoeien met het gevangennemen van Kaffer kinderen of vrouwen, gedurende het gevecht.

In die lig van dit alles, is dit duidelik dat Hoofkommandant Pretorius baie ernstig besin het oor die bewoording van die Gelofte. Die woorde is versigtig gekies en mag nie verander word nie. Die outentieke Gelofte, soos op 9 Desember 1838 opgeteken, lees as volg: Des Zondags morgens, vóordat de godsdienst begon, liet de Hoofd-Kommandant degenen die de godsdienst zouden verrigten, by malkander komen, en verzocht hen, met de gemeente te spreken, dat zy allen volyverig in geest en in waarheid, tot God mogten bidden, om Zyne hulp en bystand, in het slaan tegen de vyand; dat hy aan de Almagtigen ‘n gelofte doen wilde, (indien allen wel willen), – “om zo de Heere ons de overwinning  geven mogt, ‘n Huis tot zyns Grote Naams gedagtenis te stichten alwaar het Hem zal behagen,” – en dat zy ook moesten afsmeken, de hulp en bystand van God, om deze gelofte zeker te kunnen volbrengen, en dat wy de dag der overwinning, in ‘n boek zullen aantekenen, om dezelve bekend te maken, zelfs aan onze laatste nageslachten, opdat het ter Eere van God gevierd mag worden. De heeren Cilliers, Landman en Joubert, waren opgeruimd in het gemoed, om zulks te horen; zy onderhielden hunne gemeentens hierover en verkregen hunne algemene toestemming.

Hoofkommandant Pretorius het op 22 Desember ʼn verslag geskryf aan die Volksraad: “Verder wens ik UE. Ook ter kennis te brengen, dat wy alhier onder elkander besloten hebben, om den dag onzer overwinning , zynde Zondag den 16 dezer maand December, onder ons gansche geslacht te doen bekend worden, en dat wy het aan den Heer willen toewyden, en vieren met Dankzeggingen, zoo als wy, voor dat wy tegen den vyand streden, in het openbare gebed beloofd hebben, zoo ook, dat zoo wy de overwinning verkrygen mogen, wy den Heere tot zyns naams gedachtenis, een huis stichten zullen, alwaar Hy ons zulks aanwyzen zal; welke geloften wy nu ook hopen te betalen, met de hulp des Heeren, nu hy ons gezeggend, en onze gebeden verhoord heeft.“

Oral waar die Gelofte herdenk word, word daar jaar-vir-jaar die verkeerde bewoording voorgelees: dat, as Hy ons sal beskerm en ons vyand in ons hand sal gee, ons die dag en datum elke jaar as ʼn dankdag, soos ʼn sabbat sal deurbring; en dat ons ʼn huis tot Sy eer sal oprig waar dit Hom behaag. Dit is veral die “huis tot Sy eer sal oprig” wat ons mislei en gelei het tot die mistasting dat die kerkgeboutjie wat die Voortrekkers in Pietermaritzburg opgerig het, die nakoming van die Gelofte was. Stig en oprig het heeltemal verskillende betekenisse. Om ʼn kerk te stig is iets anders as om ʼn kerk op te rig.

ʼn Huis is ʼn plek waar iemand woon. In die Ou Testament is na die Tempel in Jerusalem verwys as die Huis van die HERE (YHWH). Dit was opgerig op instruksie van die HERE volgens die bouplanne wat Hy verskaf het. Na die hemelvaart van Jesus (Yeshua), is die tempel vernietig want Hy woon nou in die mense wat aan Hom behoort. Dit is ʼn mistasting om ʼn kerkgebou so te noem. Die outentieke Gelofte het onderneem om vir die HERE (YHWH) ʼn woonplek vir Sy “naams gedachtenis” te stig.

Die Voortrekkers het uit die Kaapkolonie getrek om ʼn eie grondgebied te bekom waar hulle ʼn eie land met ʼn eie regering kon hê. Na Bloedrivier het hulle die Republiek van Natalia in 1939 gestig. Hierdie republiek moes die plek wees waar die “naams gedachtenis” van die HERE ʼn woonplek kon hê.

...

Facebooktwitterpinterestlinkedinyoutube
Facebooktwitterpinterestlinkedin

Die verborge oorlog

Illustrasie: https://nuus.info/onverklaarde-oorlog-vind-plaas-teen-die-afrikaner-in-suid-afrika/

Daar is ʼn omvattende aanslag teen die Blankes in Suid-Afrika. Teen die Boere en Setlaars, nie teen die meelopers nie.

ʼn Gewone oorlog is waar volke of lande teen mekaar veg met tenks, missiele, ensovoorts. Hulle weermagte is in ʼn stryd teen mekaar gewikkel. Tans is ons nie in so ʼn oorlog betrokke nie. Die aanslag teen ons is anders en vind op vier fronte plaas: daar is ʼn fisieke aanslag, daar is ʼn kulturele aanslag, daar is ʼn ekonomiese aanslag en daar is ʼn geestelike aanslag. Hoe ons ons hierteen moet verdedig is ʼn tameletjie.

Die fisieke aanslag teen ons is nie ʼn amptelik verklaarde oorlog nie. Dit word ontken dat daar teen die Blankes ʼn oorlog gevoer word. Die tipe oorlog wat gevoer word is ʼn terroriste oorlog en het al die kenmerke van terrorisme. Die doel is om deur terreur vrees en onderdanigheid by ons volk te kweek. Dit moet nie as ʼn oorlog herkenbaar wees nie en die hele volk moet geïntimideer word. Die barbaarse plaas- en dorpsmoorde is deel daarvan. Die aanvallers is nie vooraf bekend nie, dit kan enige iemand wees. Die teikens is ook nie vooraf bekend nie, die slagoffers is ook nie vooraf bekend nie. Daar is geen moontlikheid om die terroriste te beveg nie, hulle kan nie met ʼn teenoffensief aangeval word nie. Ten beste kan verbeterde veiligheidsmaatreëls dit verminder, maar nie verhinder nie. Die opset is tans dat die staat beweer dit is “gewone misdaad” en dat die polisie (met bittermin sukses) dit moet hanteer.

Alhoewel dit nie tans direk teen ons gemik is nie, is daar ook die gewelddadige onluste met brandstigting en plundery. Hoe lank gaan dit duur voordat dit spesifiek teen Blankes gerig gaan word? Ons moet ons vir so ʼn moontlikheid voorberei.

Dan is daar dorps- en straatname wat verander word. Standbeelde van volkshelde word beskadig en moet verwyder word. Daar is pogings om al ons volksimbole uit te wis: die Unievlag, die Stem en die Springbokembleem. Dan is daar ook die aanslag teen Afrikaans en alles wat Afrikaans is. Ons voorgeslagte het met opoffering Afrikaanse universiteite gebou, nou is dit afgebreek en moet ʼn nuwe Afrikaanse universiteit weer gebou word. Eintlik is daar ʼn hele klomp goed wat ons tot stand gebring het, wat vernietig is en weer gebou moet word. Die doel van hierdie aanslag is om ons kultuur te vernietig. Van ons kultuurgoed word reeds nie meer erken as ons kultuurskeppinge nie, dit word aan ander mense toegeskryf.

Die staat diskrimineer teen Blankes deur Regstellende Aksie en die BBBEE beleid wat afgedwing word. Binnekort word onteiening van bates sonder vergoeding ook toegepas. Die eerste slagoffers is die eienaars van landbougrond, daarna kry die eienaars van ander bates ʼn beurt. Die propaganda is dat Blankes baie ryk geword het uit die verdrukking van Bantoes en die diefstal van grond. Daarmee saam is daar die verskynsel van Blanke plakkerskampe en Blanke armoede.

Ons volkskultuur is ook deur ons Christelike godsdiens gevorm. Die staat wil wette, wat in stryd met ons godsdiens is, op ons afdwing. Die keuse waarvoor ons gestel word, is: moet ons God gehoorsaam of moet ons die mens gehoorsaam? Dieselfde keuse as wat ons voorgeslagte ook moes maak. Hulle het gekies om God te gehoorsaam en was bereid om die prys daarvoor te betaal.

Die oorlog teen ons is omvattend. Die vyand is nie net die gewelddadige massas nie, dit is ook die staat en die staatsorgane. Hulle word bygestaan deur die hoofstroommedia en van ons eie verloopte kerke, joernaliste en akademici. Die belangrikste wapen wat teen ons gebruik word is die leuen.

Ons jongmense word blootgestel aan die leuen in die skole en universiteite. Soek jy inligting op die internet oor “Apartheid”, kry jy net een weergawe. Dinge wat jy self gesien en beleef het, kan jy nêrens vind nie.

Een groot leuen is “Apartheid”. Die Blankes wou nooit oor die ander bevolkingsgroepe regeer nie, dit was ʼn ongeluk van die geskiedenis dat Suid-Afrika in 1910 ontstaan het as ʼn multikulturele staat. Effektief het die Blankes ʼn “voogdyskap” oor die ander bevolkingsgroepe geërf. Die Blankes se vlak van beskawing was heel anders as die van veral die Bantoes. Hierdie probleem met voogde wees vir die Nie-blankes was ʼn groot probleem en daar is gesoek na ʼn morele en regverdige oplossing vir die saak. Dit het tot die totstandkoming van die beleid van Afsonderlike Ontwikkeling (die amptelike naam) gelei. Daarmee het die Blankes verantwoordelikheid geneem vir die onontwikkelde Bantoe volke. Dit was nie hulle wetlike plig om verantwoordelikheid vir die Bantoes te neem nie, hulle het dit as ʼn daad van naasteliefde gedoen. Die beleid se grootste probleem was die aanwas van die Bantoebevolking – daar kon nie voorgebly word met die voorsiening van werkgeleenthede, huisvesting, onderwys en mediese sorg nie. Die Bantoes het uit hulle tradisionele woongebiede verhuis na Blanke gebiede toe op soek na ʼn beter lewe as wat hulle tradisionele leiers aan hulle kon bied. Die Blanke belastingbetalers kon net soveel bekostig. Die beleid het nie ontstaan uit die begeerte om te onderdruk nie, dit het ontstaan uit die begeerte om op te hef.

Die beleid was so suksesvol dat die Suid-Afrikaanse Bantoes ʼn beter lewenstandaard gehad het as in enige ander Afrikaland. Daar was bankies gereserveer vir Blankes en bankies gereserveer vir Nie-blankes. Nie-Blankes het ʼn bankie gehad om op te sit, hulle hoef nie op die grond te gesit het nie. Daar was skole vir Blankes en skole vir Nie-Blankes. Die destydse regering het met hoofsaaklik Blanke belastingbetalers se geld skole vir Nie-Blankes gebou. Nie-Blankes was nie ongeletterd gelaat sodat hulle op hulle plek kon bly nie. Dieselfde het gegeld vir universiteite, hospitale en nog meer. Die leuen oor “Apartheid” is dat die motief daaragter voorgestel word asof Blankes net Bantoes wou onderdruk. Spandeer jy soveel geld en moeite om gelyke geriewe daar te stel en om nywerhede naby tradisionele woongebiede op te rig as jy iemand wil onderdruk?

Dit was hoofsaaklik kommuniste wat “Apartheid” wou gebruik om die Bantoe meerderheid te monster vir hulle saak. Daarin was hulle suksesvol en het met die hulp van ander kommuniste en kommunistiese lande ʼn terreur veldtog teen die Blanke staat begin. Talle burgerlikes (Blank en Nie-Blank) het gesterf of is vermink deur terreurdade. In later jare het enkele regeringsamptenare, in die bevegting van terrorisme, hulle skuldig gemaak aan wandade. Die oorgrote meerderheid Blankes (ook die staatsamptenare) was nie bewus daarvan nie en sou dit nie goedgekeur het nie.

Die beskuldiging van “rassisme” is nog een van die leuens. Dat daar verskille is tussen individue, volke en rasse is vanselfsprekend. In Suid-Afrika word “rassisme” vandag gesien as rassehaat. Die leuen wat oor en oor herhaal word, is dat Blankes die Nie-Blankes (veral die Bantoes) haat. Hoekom sou ʼn suksesvolle Blanke ʼn onsuksesvolle Bantoe haat? Daar was ook nog nooit ʼn siening by die deursnee Blankes dat hulle wil of moet heers oor Nie-Blankes nie.

Ons weet wie die vader van die leuen is. Dit maak van hierdie aanslag teen ons ʼn geestelike oorlog. Efesiërs 6:10-12: Wees daarom, my broers, versterk in ons Meester en in die grootheid van Sy krag. Trek al die wapenrusting van God aan sodat julle in staat is om staande te kan bly teen die strategieë van die teëstander, want julle geveg is nie teen vlees en bloed nie, maar teen die heersers, teen die outoriteite, teen die heersers van hierdie wêreld van duisternis en teen bose geeste onder die hemel. (PWL-vertaling)

Wat is die doel met al hierdie aanslae teen ons? Die hoofstroommedia ontken dat daar so ʼn aanslag teen ons is. Party beweer dat hierdie aanslae ʼn “samesweringsteorie” is van Blanke regses. Ander weer sê dat Blankes dit verdien weens hulle misdade teen die Bantoes.

...

Facebooktwitterpinterestlinkedinyoutube
Facebooktwitterpinterestlinkedin

Nuwe e-boek: Die Storie van ons Volk

Daar is ‘n rede waarom mense sê dat die voltooiing van ‘n nuwe boek soos die geboorte van ʼn baba is. Want dit is. My nuwe boek handel oor ons – die Afrikaners of Boere of Boere-Afrikaners. Dit is ‘n beskrywing van ons kenmerke, ons volkskarakter, ons kultuur en sulke dinge.

Ek het al in die vroeë 1990’s begin met my studie van hierdie onderwerp. In daardie dae was ek aangewese op die plaaslike biblioteek – waar ek nogal heelwat oor die onderwerp kon kry.

My boekelys het meer as ‘n honderd werke  waar ek inligting kon bekom. Dan was daar ook sienings en inligting uit koerantuitknipsels en algemene webwerwe wat ek geraadpleeg het.

‘n Deel van die inhoud van die boek het ek ook as artikels hier gepubliseer, maar binne ‘n ander konteks. Die boek bevat alles wat ons as volk uniek maak. Gewoonlik kan mens ‘n volk beskryf tot by die vorige geslag, dit wil sê tot so 25 jaar gelede – toevallig 1994. Nogtans het ek my bes probeer om ons tot vandag toe te beskryf. Dit is moeilik om presies te sê hoe ons vandag is, want ons is nog in ‘n veranderingsproses.

Dit is uiters belangrik dat ons ons in etniese terme moet kan beskryf, want dit is slegs op grond van ons etnisiteit dat ons kan aanspraak maak op ons voortbestaan as ‘n volk.

Om ‘n beter idee te gee van die boek se inhoud, sluit ek die inhoudsopgawe hier in.

INHOUDSOPGAWE

  1. Die eerste 50 jaar
  2. Ons Volksnaam
  3. Ons voorgeskiedenis

3.1 Waar kom Europeërs vandaan?

3.2 Ons is van Germaanse afkoms

3.3 Die nageslag van Geuse

3.4 Die nageslag van Platduitsers

3.5 Die nageslag van Hugenote

3.6 Die nageslag van Nonkonformiste

3.7 Die nageslag van latere aankomelinge

  1. Een groot familie

4.1 Familie uitleg

4.2 Familiegeskiedenis

4.3 Familiewapens

  1. Ons Volkstaal

5.1 Die voorgeskiedenis van ons volkstaal

5.2 Die ontstaan van ons eie taal

5.3 Hoe ons die volkstaal gebruik

5.4 Van volkstaal tot kultuurtaal

5.5 Ons hou daarvan om nuwe woorde te skep

  1. ʼn Godsdienstige volk

6.1 Die erfenis van ons stamouers

6.2 Die protestantse leefwyse

6.3 Die gelofte

6.4 Afrikaanse kerkgenootskappe

6.5 Andertalige kerkgenootskappe

6.6 Die ware Boerekerk

7 Geesteskultuur     

7.1 Algemeen

7.2 Volksgelowe

7.3 Boerewetenskap

7.4 Boererate

7.5 Van geboorte tot begrafnis

7.6 Hoe ons verjaardae vier

7.7 Plesierige geleenthede

  1. Stoflike kultuur

8.1 Eers was ons plaasjapies

8.2 Toe word ons stadsjapies

8.3 Woningbou

8.4 Volksvervoermiddels

8.5 Volksdrag

8.6 Volkshandwerk

8.7 Boerekos

8.8 Boeredans

8.9 Boerebrandewyn

8.10 Volksmonumente en –museums

8.11 Ons eie volksweermag

  1. Volksimbole

9.1 Het ons ʼn Volksvlag?

9.2 Het ons ʼn Volkslied?

9.3 Het ons ander Volksimbole ook?

10 Volksfeeste         

10.1 Die eiesoortigheid van ons volksfeeste voor 1994

10.2 Feeste wat in 1994 afgeskaf is

10.3 Geloftefees

10.4 Kersfees

10.5 Nuwejaarsfees

10.6 Paasfees

11 Volksaard

11.1 Karakter eienskappe

11.2 Sosiale onderskeid

12 Volksverval         

12.1 Die adder in die boesem

12.2 Sedelike verval

12.3 Godsdienstige verval

12.4 Die gevolge van verval

13 Bedreigings vir ons voortbestaan      

13.1 Kwynende getalle

13.2 Alles is vernietig

13.3 Ons het nie ʼn land nie

13.4 Die verlore vryheidsdrang

13.5 Volksverdeeldheid

14 Die laaste 50 jaar

Boekelys

Indien iemand graag die boek wil bekom maar dit nie kan of wil koop nie, kan ‘n motivering gestuur word aan ons borg by: buitepos@minderheidsverslag.co.za.   

...

Facebooktwitterpinterestlinkedinyoutube
Facebooktwitterpinterestlinkedin

Die invloed van Protestantisme op ons volk

Illustrasie: https://stad.gent/bibliotheek/dossiers/vroeger-en-nu/500-jaar-protestantisme

Daar is hoofsaaklik drie groot vertakkinge in die Christelike geloof: die Ortodokse siening, die Rooms-Katolieke siening en die Protestantse siening.

Ons stamouers was die nageslag van die oorspronklike wegbrekers uit die Rooms-Katolieke Kerk. Ons stamouers het groot geword as Protestante en hulle nageslag ook so opgevoed. Die een geslag het die volgende geslag, tot betreklik onlangs toe, ook so opgevoed. Die Protestantisme is so geheel en al deel van ons volksaard dat ons nie onsself kan verstaan of beskryf daarsonder nie. Protestantisme het nie net ons geloof bepaal nie, dit het ook ʼn invloed op ons kultuur uitgeoefen.

Daar was nog nooit net een Protestantse kerk nie, daar was nog altyd verskillende strominge binne die Protestantisme. Van die strominge wat by ons voorkom is die Gereformeerde, Baptistiese, en Pinkster strominge. Ten opsigte van kerkregering kan ons onderskei tussen die Presbiteriaanse, die Kongregasionalistiese en die Episkopaalse vorms. Die Anabaptisme (Wederdopers) het glad nie by ons voorgekom of invloed uitgeoefen nie.

...

As daar dan soveel verskille tussen Protestante bestaan, wat het hulle dan in gemeen? Die Protestantse leiers het oorspronklik nie bedoel om ʼn nuwe kerk te stig nie, hulle wou die Rooms-Katolieke Kerk van binne af hervorm. Dit het gelei tot konflik tussen hulle en die Rooms-Katolieke Kerk, dit weer het gelei tot vervolging en godsdiensoorloë. Protestante se een gemeenskaplike ooreenkoms is hulle teenstand teen die Roomse kerk. Ondermeer het hulle nie die oppergesag van die Pous erken nie, hulle het nie die verering van Moeder Maria en kerklike heiliges erken nie, hulle het slegs twee sakramente (die doop en nagmaal) as Bybels korrek erken en hulle het nie met die Roomse kerkregering saamgestem nie.

Dit wat alle Protestante onderskryf word saamgevat in vyf Latynse uitsprake, naamlik Sola Christus, Sola Scriptura, Sola Fide, Sola Gratia en Soli Deo Gloria. Hierdie vyf uitsprake is die kernbeginsels van die Protestantisme.

Met Sola Christus word bevestig dat Jesus Christus die enigste middelaar tussen God en mens is. Daarmee verwerp hulle die Roomse sienings ten opsigte van die Pous as Christus se verteenwoordiger, die belangrikheid van kerklike tradisies en kerklike heiliges.

Sola Scriptura is die standpunt dat slegs die Heilige Skrif as gesaghebbend erken word. Sola Scriptura bevat vier belangrike leerstellings: dat die onderrig van die Heilige Skrif noodsaaklik is, dat die Heilige Skrif voldoende is, dat alles in die Heilige Skrif korrek is en dat gelowiges self die Heilige Skrif kan lees en met die hulp van die Heilige Gees kan verstaan. Die Rooms-Katolieke Kerk se siening was dat slegs sekere persone, die ingewydes, ʼn spesiale status het om die Heilige Skrif te kan interpreteer. Leke kon nie. Hulle het ook geglo dat idees wat baie oud is die Heilige Skrif verklaar. Verder het die Roomse kerk boeke in hulle Bybel ingesluit wat Protestante nie as Goddelik geïnspireerd erken het nie.

Sola fide beteken dat die mens slegs deur geloof in Jesus Christus gered kan word. Daar is geen ander manier nie. Hulle het die Roomse stelsel van goeie werke, boetedoening, kwytskelding deur priesters en die vagevuur verwerp.

Met Sola gratia word gesê dat verlossing slegs deur genade geskied. Verlossing kan nie verdien word nie en goeie werke het geen invloed op verlossing nie.

Die uitspraak Soli Deo Gloria beteken dat aan God al die eer toekom vir die redding van mense. Verlossing word slegs deur Sy wil en handelinge bewerk. Dit sluit in die gawe van geloof. Mense, soos die Pous en die kerklike heiliges is nie eer waardig nie.

Die Protestantse lewensuitkyk het die huwelik en gesin, opvoeding, geesteswetenskap en natuurwetenskap, die sosiale en politieke orde, die ekonomie en die kunste ten goede beïnvloed. Protestante se kultuur het grootliks bygedra tot die ontwikkeling van die Westerse Beskawing.

Omdat hulle mense aangemoedig het om self die Heilige Skrif te lees, het Protestante onderwys op alle vlakke bevorder deur skole en universiteite te stig. Die Protestantse konsep van God en mens het gelowiges toegelaat om al hul Godgegewe fakulteite en talente te gebruik, hulle kon God se skepping verken en verantwoordelik gebruik. Gelowiges is aangemoedig om hardwerkend te wees. Daar word gepraat van die spesifieke werksetiek wat by Protestante voorkom. Die Protestantse morele kode het die luukse afgekeur en spaarsamigheid en verstandigheid aangemoedig. Gevolglik het vakmanne, nyweraars en ander sakelui die grootste deel van hulle winste herbelê in beter gereedskap, beter masjinerie, beter produksiemetodes en beter lone vir hulle werkers. Wetenskaplike navorsing is gestimuleer en verskeie baanbreker uitvindings was deur Protestante gedoen. Dit was Protestante wat die republikeinse ideaal ontwikkel en ondersteun het. Hulle het die konsep van ʼn staatskerk verwerp en geglo daar moet skeiding tussen kerk en staat wees. Protestante was vervolg weens hulle geloof en was voorstanders van godsdiensvryheid. Protestante het ook hospitale, tehuise en ander instellings gestig. Prominente komponiste, skilders en skrywers kon uitstaande werk lewer danksy hulle Protestantse agtergrond.

Dit is ons erfenis en het ons volk gevorm. Dit verhoed nie iemand wat nie ʼn Protestant is om deel van ons volk te wees nie, solank hy aanvaar dat die res van sy volksgenote wel Protestante is. Hy is dus ʼn uitsondering en moet homself sonder kritiek daarby neerlê. Dit beteken ook dat hy die volk se erfenis sal respekteer en nie sal probeer aftakel nie.

Ons moet ons erfenis in stand hou en dit oorlewer aan ons nageslag. Dit moet onthou word dat die Gelofte deur Protestante afgelê is.

Facebooktwitterpinterestlinkedinyoutube
Facebooktwitterpinterestlinkedin

Ons latere stamouers

Illustrasie: Duitse Setlaarsmonument, Wikipedia

Sedert 1652, toe van Riebeeck aan die Kaap geland het, tot en met die Groot Trek, was die blanke bevolking aan die Kaap van Goeie Hoop hoofsaaklik Nederlanders, Nederduitsers, Franse Hugenote en 1820-Setlaars. Daar was ook enkelinge en gesinne uit ander Europese lande wat hulle ook hier kom vestig het. Ondermeer uit Portugal, Swede en Oostenryk. Uit hulle het daar ook Boerefamilies ontstaan.

Na die Groot Trek het daar nog nuwe bloed bygekom. Daar is doelbewuste pogings deur die Britse kolonies en die Boererepublieke aangewend om nog blankes uit Europa in Suidelike Afrika te vestig. Daar was ook individue en gesinne wat hierheen gekom en wat nie deel was van die groter groepe nie. Met die ontdekking van minerale het nog blankes van oraloor gekom as fortuinsoekers op veral die diamant- en goudvelde.

Na die Anglo-Boereoorlog het sommige van die Britse soldate agterbly en hulle permanent hier gevestig. Gedurende die tydperk 1910 tot 1961, die tydperk van die Unie van Suid-Afrika, het nog individue en gesinne hulle hier kom vestig.

Nadat Europese lande sedert 1960 hulle Afrika-kolonies prys gegee het, was daar burgeroorloë in hierdie lande en moes van die blankes, wat geslagte lank daar gewoon het, vir hulle lewens vlug. Talle vlugtelinge het na Suid-Afrika gekom, veral vanaf Britse en Portugese kolonies. Tydens die Koue Oorlog was daar ook vlugtelinge uit kommunistiese Oos-Europa wat ook hier ʼn veilige hawe gevind het.

...

Britse setlaars tussen die Groot Trek en die Anglo-Boereoorlog

In die jare na die 1820 setlaars na die Kaap gekom het, was daar nog  Britse immigrante wat hulle in Suidelike Afrika kom vestig het.

Tussen 1825 en 1845 was daar geen aanmoediging en hulp vir Britte om na Suidelike Afrika te kom nie. Nogtans het meer as 5 000 op eie koste gekom. Tussen 1847 en 1866 het 11 000 Britse immigrante met hulp van die Britse regering en privaat beleggers hulle in die Kaap en Natal gevestig. Pogings om hierdie mense in die landbou te plaas, het misluk en hulle het later in die stede ‘n heenkome gevind.

In 1857 het 1 000 arm jong ongetroude Ierse vroue met staatshulp na Suidelike Afrika gekom om huisbediendes te wees. Ander skemas het die immigrasie van vroue bevorder om as sendelinge en onderwyseresse te werk.

Tussen 1873 en 1883 het meer as 22 000 Britte met immigrasieskemas na Suidelike Afrika gekom. Van hulle was kunshandwerkers, ambagsmanne, spoorwegwerkers, mynwerkers en ongeskoolde werkers. In 1891 was daar 188 000 mense wat in Brittanje gebore is.

In Suidelike Afrika het ‘n nuwe klasse onderskeid tussen die Britsgebore bevolking ontstaan. Die mynbase en senior bestuurders het ‘n elite gevorm.

Duitse setlaars tussen die Groot Trek en die Anglo-Boereoorlog

In 1857 is 2 000 Duitse Setlaars in Brits-Kaffraria  gevestig om ‘n buffer teen die Xhosas te wees. Uiteindelik het omtrent 4 000 Duitsers hulle in die Oos-Kaap gevestig. Hulle is deur die Britse regering ondersteun. Hierdie groep staan bekend as “die Eerste Golf” van Duitse setlaars.

In 1877 – 1878 is die “Tweede Golf” Duitse setlaars deur ‘n immigrasieprojek op die Kaapse Vlakte gevestig. Nog ‘n groep het in 1883 opgedaag. Hulle was groenteboere. Die meeste was arm kleinboere en ambagsmanne uit Noord-Duitsland.

Die Natal Cotton Company het in Duitsland geskikte immigrante verkry om in Natal met katoen te boer. In 1848 arriveer 35 gesinne en vestig hulle in wat vandag Westville en New Germany is. Die katoenboerdery het misluk en hulle gaan toe oor na groente en suikerriet. Later het ‘n groep van hulle weggetrek en in New Hanover gaan woon.

Die Hermannsburg Sendinggenootskap het ‘n sendingstasie op die grens tussen Natal en Zoeloeland gestig. Saam met sendelinge stuur die genootskap ook koloniste wat by sendingstasies sou help. Die meeste van hulle is Platduitsers. ‘n Hele klomp Afrikaanse vanne is van hulle afkomstig.

In 1853 het die ZAR die Morawiese sendinggenootskap versoek om sendelinge te stuur om onder die Tswanas te werk. In 1857  is die Hermannsburg Genootskap gevra om die Londense Genootskap se ontruimde stasies oor te neem.

In 1882 het ‘n klein groepie Noorse setlaars hulle in Natal gevestig.

Immigrante na die Anglo-Boereoorlog

Tussen 1946 en 1961 het 115 000 Britse burgers hulle in Suid-Afrika gevestig.

Reeds in 1958 het die Viljoen-kommissie bevind dat die ekonomiese groeikoors van daardie tyd net volgehou sal kan word as 25 000 geskoolde immigrante per jaar gewerf kan word. Die Nasionale Party regering het ‘n organisasie gestig met die doel om immigrasie te bevorder. In 1961 is ‘n skema geloods wat finansiële bystand gegee het aan geskoolde immigrante uit Europa.

Tussen 1964 en 1972 was die jaarlikse ekonomiese groei tussen 6 en 8 persent. Gekwalifiseerde persone uit Europa was noodsaaklik. Die jaarlikse aantal Immigrante het van minder as 10 000 in 1960 toegeneem tot 48 000 in 1966.

Amper die helfte van die blanke bevolkingsaanwas tussen 1961 en 1977 was as gevolg van immigrasie.

Blankes in Namibië

In 1884 het Duitsland die gebied wat vandag Namibië genoem word, gekoloniseer as Duits-Wes Afrika. Die nuwe kolonie het immigrante uit Duitsland gelok. Die meeste Afrikaanssprekende blankes is afstammelinge van die Dorslandtrekkers. Die Dorslandtrek was ‘n reeks trekke uit Transvaal na Angola en Duits-Wes wat tussen 1874 en 1927 plaasgevind het. Die Portugese bevolking was vlugtelinge uit Angola.

Facebooktwitterpinterestlinkedinyoutube
Facebooktwitterpinterestlinkedin

Volkslied of Nasionale lied

Illustrasie: https://www.grafika24.com/die-stem-gedig-word-n-eeu-oud/

Die woord “volkslied” verwys gewoonlik na wat in Engels ʼn “folk song” genoem word. Verder word die woord ook gebruik om die patriotiese lied van ʼn volk of land te beskryf. ʼn Volkslied is die patriotiese lied van ʼn volk of ʼn land wat gesing word om ʼn eie identiteit te bevestig.

Die Volkslied het gewild geword met die opkoms van nasiestate in die 19de en 20ste eeue. ʼn Nasiestaat is waar ʼn sekere volk ʼn eie grondgebied het en ʼn eie regering het wat oor daardie gebied regeer, met ander woorde ʼn volkstaat. Talle Europese lande was nasiestate, sommige is nog steeds. Wanneer ʼn land nie ʼn nasiestaat is nie, het hy streng gesproke nie ʼn Volkslied nie maar ʼn Nasionale Lied.

Groot Brittanje se Nasionale Lied is “God save the King / Queen”, maar Wallis se Volkslied is “Land of our Fathers”. Ons het dus die verskynsel by multikulturele state dat die staat se amptelike lied verskil van die patriotiese lied wat deur een van die minderheidsgroepe gesing word.

...

Die Republiek van die Oranje-Vrystaat was die eerste land in Suidelike Afrika om ʼn eie Volkslied in gebruik te neem. Dit was van 1854 tot 1902 in gebruik en die lirieke was geskryf deur HAL Hamelberg en die musiek was gekomponeer deur WFG Nicolai. Die eerste vers is:

Heft, Burgers, ’t lied der vrijheid aan
En zingt ons eigen volksbestaan!
Van vreemde banden vrij,
Bekleedt ons klein gemenebest,
Op orde, wet en recht gevest,
Rang in der Staten rij.
Rang in der Staten rij.

Die Zuid-Afrikaansche Republiek het ʼn eie Volkslied gehad van 1875 tot 1902. Dit was geskryf deur Catharina van Rees en staan bekend as: “Kent gij dat volk”. Die eerste vers, in Afrikaans, is:

Ken jy die Volk vol heldemoed
en tog so lank verkneg
Hy het geoffer goed en bloed
vir Vryheid en vir reg
Kom burgers! laat die vlae wapper
Ons lyding is verby
Roem in die sege van onse dapp’res
‘n Vrye volk is ons!
‘n Vrye volk, ‘n Vrye volk
‘n Vrye, Vrye volk is ons!

Albei liedere spreek van volk en vryheid.

Die Unie van Suid-Afrika het in 1910 ontstaan as ʼn Britse kolonie onder die Britse vlag en met die Nasionale Lied “God save the King / Queen”, CJ Langenhoven het in 1918 die eerste drie verse van “Die Stem” gedig. In 1921 het ML de Villiers die gedig getoonset. Die Hertzog-regering het hierdie lied gekies om met die vlaghysing van die nuwe Unievlag (Die Ou Suid-Afrikaanse vlag) gesing te word. Dit was in 1928. In 1931 het die FAK begin met die hou van “Volksliedvergaderings” en ook ʼn wedstryd uitgeskryf. Die keurkomitee het eenparig “Die Stem” aanbeveel. In 1938 het die parlement besluit dat “Die Stem” en “God save the king” albei by formele geleenthede gespeel sal word. In 1952 is ʼn Engelse vertaling van “Die Stem” goedgekeur. In 1957 het die parlement “Die Stem” tot enigste amptelike lied van Suid-Afrika aanvaar. Dit is in 1996 vervang met die huidige Suid-Afrikaanse Nasionale Lied (“Nkosi Sikelel Afrika”).

Die eerste vers van “Die Stem” is:

Uit die blou van onse hemel,
uit die diepte van ons see,
Oor ons ewige gebergtes
Waar die kranse antwoord gee.
Deur ons ver verlate vlaktes
Met die kreun van ossewa.
Ruis die stem van ons geliefde,
Van ons land Suid-Afrika.
Ons sal antwoord op jou roepstem,
Ons sal offer wat jy vra:
Ons sal lewe, ons sal sterwe
Ons vir jou, Suid-Afrika

Skynbaar spreek die lied van ʼn land en nie van ʼn volk nie.

Is “Die Stem” ʼn Volkslied of is dit ʼn Nasionale Lied? Is dit die lied van die Blanke bevolking of was dit die lied van die staat voor 1994? ʼn Groot gedeelte van ons volk het geen ander patriotiese lied geken nie. Tydens die Bosoorlog was dit die lied wat gesing is deur alle Suid-Afrikaanse troepe. Baie lede van ons volk beskou “Die Stem” as ons eie Volkslied. Daar word steeds ʼn gevoel van patriotisme opgewek deur die sing van “Die Stem” en die vertoon van die Ou Suid-Afrikaanse vlag.

Facebooktwitterpinterestlinkedinyoutube
Facebooktwitterpinterestlinkedin

Volksmuseums en -monumente

Foto: Vryheidsmonument in Vereeniging

Ons volk het heelwat monumente en gedenkwaardighede opgerig. Hierdie monumente herinner ons aan die lotgevalle van ons voorgeslagte. Ons het ook museums gestig om items uit ons geskiedenis te bewaar. In 1994 het ons ʼn groot deel van ons erfgoed aan die nuwe regering oorgedra vir bewaring en instandhouding.

Monumente, standbeelde en gedenkstene is opgerig om geskiedkundige gebeure, plekke en mense te herdenk. Hierdie monumente en gedenkwaardighede is deel van ons volk se bouwerk en is ʼn sigbare bevestiging van ons volk se aanspraak op eiesoortigheid. Monumente is dikwels kunstig ontwerp sodat dit ook die voorkoms van die omgewing kon verbeter.

Verskeie gedenkplate is opgerig om die Slagtersnek rebellie van 1815-1816 te herdenk. Naby Cookhouse is ʼn gedenknaald opgerig om die  teregstelling van die vyf vryheidsvegters in gedagte te roep. Dit is opgerig met bydraes deur die publiek en is in 1916 onthul.

...

Daar is verskeie monumente en standbeelde opgerig vir Voortrekkerleiers. Die Voortrekkermonument naby Pretoria is ʼn indrukwekkende gebou wat uittroon oor die omgewing en van ver af gesien kan word. Die gebou is omring met ʼn laer van 64 kakebeenwaens van graniet. By die ingang is daar ʼn groot standbeeld van ʼn Voortrekkermoeder met 2 kinders. Die “grondvloer”, waar die ingang is, staan bekend as die Heldesaal. Die mure daarvan is bedek met ʼn fries van 27 marmerpanele wat die geskiedenis van die Groot Trek uitbeeld. Die Senotaafsaal in die “kelder” bevat die Senotaaf van graniet en ʼn museum met items uit die Groot Trek. Heel bo op die gebou is daar uitkykplekke vanwaar die omgewing besigtig kan word. Buitekant, op elke hoek van die gebou, is daar 4 standbeelde van Voortrekkerleiers.

Behalwe vir die Britse Setlaars was daar ook Duitse Setlaars wat hulle in die Oos-Kaap gevestig het. In 1857 is ʼn Duitse legioen tussen die Amatolaberge en die see gevestig om ʼn buffer tussen die Xhosas en blankes te vorm. Nog 450 families, meeste uit Pommere, het hulle ook aan die Oos-Kaap gevestig. In Oos-Londen is ʼn beeld opgerig van ʼn setlaar, sy vrou en hulle dogter. Brons plate beeld die afskeid uit Duitsland, die reis na Afrika, en die begin van ʼn nuwe boerdery  uit.

Die Paardekraal-monument is geleë in Krugersdorp. Nadat die Britte die ZAR beset het, is ʼn volksvergadering op Paardekraal gehou. Die burgers het ʼn klipstapel opgerig om aan hulle vasbeslotenheid uitdrukking te gee. Dit is gevolg deur die Slag van Majuba waarmee die ZAR weer sy onafhanklikheid herwin het. ʼn Monument is daarna oor die klipstapel opgerig en dit is in 1891 onthul. Tydens die Anglo-Boereoorlog het die Britte die klippe onder die monument verwyder en in die Vaalrivier gegooi.

Die Ou Raadsaal was die Volksraadsgebou van die ZAR en is geleë op Kerkplein, Pretoria. Die styl is Italiaanse Renaissance, met gepleisterde baksteen mure wat geverf is om soos sandsteen te lyk. Daar is ʼn kloktoring met ʼn beeld van ʼn vrou bo-op. Dit is in 1891 voltooi en word tans beskerm as ʼn erfenisterrein.

Tydens die Anglo-Boereoorlog het ʼn groot aantal gewone burgers helde geword. Daar is verskeie standbeelde en gedenktekens vir hulle opgerig. Een van hierdie groot helde was die baasverkenner Danie Theron. Die Danie Theron-monument is ʼn indrukwekkende gedenknaald aan die Gatsrand, vyftig meter vanwaar hy gesneuwel het. Die Voortrekkerbeweging het ʼn belangrike rol gespeel in die oprigting van die monument en hulle het ʼn landswye fondsinsameling gehou. Die monument is in 1950 onthul. Die simboliek stel die eenvoud, krag en vryheidsin van Danie Theron voor.

Talle Europeërs het saam met die Boeremagte teen Groot Brittanje geveg. Een so ʼn groep was Iere. Die Ierse Vrywilligersmonument is in Johannesburg opgerig om aan hulle hulde te bring. Die monument het verwaarloos en moes gesloop word. Vier pilare is gered en is in Orania heropgerig.

Die Nasionale Vrouemonument in Bloemfontein is opgerig om die 27 000 Boerevroue en –kinders wat tydens die Anglo-Boereoorlog in konsentrasiekampe gesterf het te onthou. Oud President MT Steyn, sy vrou Tibbie en Emily Hobhouse het ʼn belangrike rol gespeel by die oprigting van die monument. Die beeldegroep is die herinnering van iets wat Emily Hobhouse in ʼn konsentrasiekamp ondervind het en wat sy nie kon vergeet nie. Dit is van ʼn vrou sonder ʼn kappie wat haar uitgeteerde sterwende kind vashou, met ʼn tweede vrou wat God aanroep. Sedert die 1960’s is standbeelde van burgers, krygsgevangenes en bittereinders op dieselfde terrein opgerig.

Die Vryheidsmonument in Vereeniging se naam is om politieke redes na 1994 verander na die Vredesmonument. Dit is ook verskuif van sy oorspronklike plek in ʼn parkie tot by die munisipale kompleks en is so geplaas dat die bewoording daarop nie deur verbygangers gesien kan word nie. Die monument is van ʼn jong gewonde boerekryger in graniet met ʼn simboliese vlekvrye staal figuur wat uit hom oprys. Die woorde daarop is: “Gewond maar onoorwonne, Vereeniging 31 Mei 1902”. Dit verwys na die Vrede van Vereeniging. Die boodskap is dat hoewel die Boerevolk oorwin is, daar steeds  ʼn vryheidsgees bestaan wat tot ʼn nuwe opstanding sal lei.

Die Dorslandtrekmonument by Swartbooisdrif in Namibië herdenk die terugtrek van Dorslandtrekkers uit Angola na Namibië. Daar het hulle ʼn klipstapel gepak. Die eerste Swartbooisdrif fees is in 1953 gehou.

Die Trekmonument 1904-1954 herdenk lede van ons volk wat hulle na die Anglo-Boereoorlog in Tanganjika (Tanzanië) gaan vestig het. Dit is opgerig op die plaas Kampfontein in Tanzanië. ʼn Replika daarvan is by die Voortrekkermonument in Pretoria opgerig.

Die Afrikaanse Taalmonument by Paarl is opgerig om die taalstryd te herdenk wat in 1925 tot die erkenning van Afrikaans as selfstandige taal gelei het. Die sin “Dit is ons erns” is ontleen aan Gustav Preller se artikels “Laat ‘t Ons Toch Ernst Wezen”.

ʼn Museum is ʼn gebou waarin goed versamel en uitgestal word sodat besoekers dit kan besigtig. ʼn Volksmuseum versamel goed wat op ʼn sekere volk betrekking het.

Die Hugenote-gedenkmuseum by Franschhoek gedenk die Hugenote wat hulle aan die Kaap gevestig het. Die museum beskik oor meubels, eetgerei, kombuisgereedskap, dokumente en Bybels.

Die Pionier-opelugmuseum in Pretoria vertoon die lewensstyl van die Voortrekkers. Die opstal is in 1848 gebou van klei en plaaslike materiaal, met ʼn grasdak en grondvloer. Die meubels is van die 19de eeuse plattelandse styl. Aktiwiteite sluit in die maak van tradisionele brood en botter en demonstrasies met voorlaaiers.

Boekenhoutfontein was die plaas van pres. Paul Kruger naby Rustenburg. Hy het ʼn verdiepinghuis gebou in dieselfde styl as wat die Karoo huise van daardie tyd was. Eenvoudige boumetodes met plaaslike materiaal is gevolg. Daar is ook ʼn waenhuis, buitegeboue, ʼn varkhok en ʼn lemoenboord. Die huis is gemeubileer met meubels uit daardie jare. Daar is ook ʼn huisorrel, pres. Kruger se geweer en ander items.

Krugerhuis was die privaat woning van pres. Kruger in Pretoria wat ook as presidensie gedien het. Die huis se boustyl bestaan uit ʼn mengsel van style, dit het twee ontvangsvertrekke aan die voorkant en ʼn groot stoep. Die president het gereeld soggens op die stoep gesit en besoekers ontvang. Die oorspronklike meubels, geskenke en aandenkings word vertoon. Van die items wat daar bewaar word, is geskenke wat aan pres. Kruger se volk gegee is en deur hom bewaar is namens sy volk. Tans bestuur die staat die museum.

Fort Klapperkop was een van drie forte wat deur die ZAR om Pretoria opgerig is. Dit is in 1963 in ʼn militêre museum omskep. Dit bevat ʼn uitstalling van gewere en ander items uit die Anglo-Boereoorlog.

Daar is nog  museums en gedenkplekke wat deur ons volk opgerig is en op ons betrekking het. Sommige is in privaatbesit, sommige behoort aan kultuurorganisasies en sommige behoort nou aan die Suid-Afrikaanse staat. Daar is tans ʼn verwoede aanslag teen ons erfgoed en verskeie gedenkwaardighede is deur oproeriges beskadig. Verskeie daarvan moes van hulle oorspronklike plekke na Orania verskuif word.

Facebooktwitterpinterestlinkedinyoutube
Facebooktwitterpinterestlinkedin